[2.5.2008]

Fargeskrivaren på ISK, bygg 4, ved trappesiloen

Den nye Canon-skrivaren som òg er kopimaskin (eller motsett) finst på AppleTalk-sona Dragvoll_ansatt med namnet «lin45canon». Diverre fungerer det ikkje å senda til skrivaren via AppleTalk. Utskrifta forsvinn ut i det store inkje. Løysinga er å kopla til via IP:

• Du har lyst på ein skrivardrivar. Du kan lasta ned drivaren frå heimesidene til Canon. Gå til denne sida, vel MacOS X og English, trykk «Submit». Finn «Canon PS Printer Driver for MacOSX v2.01» (dette er versjonen pr. 11.2.2008), eller sjå etter noko nyare. Gå eventuelt rett til nedlastinga her.
• Ver merksam på at installeraren til Canon er veldig uhøfleg, og avsluttar programma dine utan å spørja deg. Så pass på å lagra og avslutta alt på førehand, så har du kontroll.
• Eg hugsar ikkje om maskina vert starta på nytt etter installeringa, men i alle fall skal du etter kvart gjera slik: Start Systemvalg og vel «Utskrift og faks». (Har du MacOS X 10.4, startar du i staden «Printer Setup Utility» (Skriveroppsettverktøy), som finst i Utilities/Verktøy-mappa inne i Applications/Programmer-mappa.)
• Klikk på plussteiknet (10.4: «Legg til»).
• Vel «IP» med skrivartype «Line Printer Daemon - LPD».
• I rubrikken «Adresse» skriv du: 129.241.33.239
• Vil du endra namn, kan du gjera det her, t.d. skriva namnet «fargecanon» i rubrikken som heiter «Navn». Dette vil påverka korleis skrivaren ser ut i utskriftsdialogen din når du skal skriva ut noko.
• Skrivarmodellen er Canon iR C2880i. Du vil velja ein drivar som heiter Canon iR C2880/3380 PS (UK). Dette er den drivaren som du nettopp lasta ned. (Den drivaren som fylgjer med MacOS X 10.5.2, heiter Canon iR C2880/C3380, og fungerer greitt, men klarer ikkje å stifta, i alle fall ikkje då eg prøvde.)
• Konfigurer så mykje du lystar. Skrivaren har noko som heiter Finisher Y1. Er du geek, kan du taka deg ein tur innom http://localhost:631/ òg.

Oppdatering 2.5.2008 om ettermiddagen: No ser det ut til at AppleTalk fungerer på denne skrivaren.

Reserveskrivaren på ISK, bygg 4, utanfor døra til ekspedisjonen

Dette er òg ein ny skrivar, men han har ikkje fargeutskrift. Han har IP-adresse 129.241.33.246, men liker ikkje IP-utskrifter (pr. 2.5.2008). Skulle han nokon gong lika IP-utskrifter, kan du kopla han opp slik det vart skildra for fargeskrivaren over.

• Skrivaren bruker ein drivar som er i den same drivarpakken som du lasta ned frå Canon over.
• I staden for IP-utskrift kal du her velja AppleTalk under skrivarinstalleringa. I sona Dragvoll_ansatt finn du skrivaren som isk45canon2.
• Om du vil, kan du leggja inn t.d namnet «reserveskrivar» i rubrikken som heiter «Navn».
• Drivar vert vald automatisk. Skrivaren vil ha denne: Canon iR3025 PS (UK)
• Eg har ikkje sett meg inn i kva slags utstyr han har.