Hýmiskviða
1  5	Ar valtívar veiþar námo oc svmblsamir, aþr saþir yrþi, hristo teina oc a hla/t sa, fvndo þeir at Egis a/rcost hvera.
2  5	Sat bergbvi barnteitr fyr mioc glicr megi miscorblinda; leit i a/go Yggs barn í þrá: «Þv scalt asom opt svmbl gora.»
3  5	Avnn fecc iotni orþboginn halr, hvgdi at hefnþom hann nest viþ goð; bað hann Sifiar ver ser fora hver: «þannz ec a/llom ol yðr of heita.»
4  5	Ne þat matto merir tifar oc ginnregin of geta hvergi, vnnz af trygðom Tyr Hlorriþa astraþ mikit einom sagdi:
5  5	«Byr fyr a/stan Elivága hvndviss Hymir at himins enda; a minn faþir moþvgr ketil, rvmbrvgðinn hver, rastar divpan.»
6  3	Þorr qvaþ: «Veiztv ef þiggiom þann la/gvelli?» Tyr qvaþ: «Ef, vinr! velar viþ gorvom til.»
7  5	Fóro drivgom dag þann fram Asgardi fra, vnz til Egils qvomo; hirði hann hafra hornga/fgasta, hvrfo at ha/llo, er Hymir átti.
8  5	Ma/gr fann a/mmo mioc leiþa ser, hafði ha/fda hvndrvð nío; enn a/nnvr gecc algvllin fram brvnhvít bera biorveig syni:
9  5	«Átniþr iotna! ec viliac ycr hvgfvlla tvá vnd hvera setia; er mínn frí ma/rgo sinni gla/ggr viþ gesti, geyrr illz hvgar.»
10  5	En vascapadr varþ siþbvinn harðráþr Hymir heim af veiþom; gecc inn i sal, glvmþo ioclar, var karls, er com, kinnscogr frorinn.
11  3  7	Frilla qvaþ: «Verþv heill, Hymir! i hvgom goþom, nv er sonr kominn til sala þinna, sa er viþ vettom af vegi longom; fylgir hánom hroþrs-andscoti, vinr verliða, Veorr heitir sa.
12  5	Sé þv, hvar sitia vnd salar gafli! sva forþa ser, stendr svl fyr.» Svndr sta/cc svla fyr sión iotvns, enn aþr i tva/ áss brotnaþi.
13  5	Stvcco atta, en einn af þeim hverr harðsleginn heill, af þolli; fram gengo þeir, enn forn iotvnn sionom leiddi sinn andscota.
14  5	Sagðit hanom hvgr vel þa, er hann sa gygiar groti a golf kominn; þar varo þiorar þrír of teknir, bað senn iotvnn sioþa ganga.
15  5	Hvern leto þeir ha/fdi scemra oc a sæyþi siþan báro; át Sifiar verr, aþr sofa gengi, einn meþ a/llo eyxn tva Hymis.
16  5	Þótti három Hrvngnis spialla verþr Hlórriða vel fvllmicill: «Mvnom at apni a/þrom verþa viþ veiðimat ver þrír lifa.»
17  5	Veorr qvaz vilia a vág róa, ef ballr iotvnn beítor gefi. Hymir qvaþ: «Hverf þv til hiarþar, ef þv hvg trvir, briotr bergdana! beitor sokia.
18  5	Þess venti ec, at þer mynit a/gn af oxa a/þfeng vera.» Sveinn sysliga sveif til scógar, þar er vxi stoþ alsvartr fyr.
19  5	Bra/t af þióri þvrs ráþbani hatvn ofan horna tveggia. Hymir qvaþ: «Verc þiccia þin verri myclo, kiola valdi! enn þv kyrr sitir.»
20  5	Bað hlvnngota hafra drottinn átrvnn apa vtarr fora; enn sa iotvnn sina talþi litla fysi at róa lengra.
21  5	Dró meirr Hymir moþvgr hvali einn a a/ngli vpp senn tvá; enn aptr i scvt Oþni sifiaþr Veorr við velar vað gorði ser.
22  5	Egndi a a/ngvl sa er a/ldom bergr orms einbani vxa hofdi; geín við agni sv er god fiá vmgiorþ nedan allra landa.
23  5	Dró diarfliga daþraccr Þorr orm eitrfán vpp at borði; hamri kniþi hafiall scarar ofliótt ofan vlfs hnitbroþvr.
24  5	Hreingalcn hlvmþo, en ha/lcn þvto, for in forna fold a/ll saman, sa/cþiz siþan sa fiscr i mar.
25  5	Oteitr iotvnn, er þeir aptr réro, sva at ár Hymir ecci melti, veifþi hann roþi veðrs annars til.
26  5	Hymir qvaþ: «Mvndo vm vinna verc halft viþ mic, at þv heim hvali haf til boiar, eþa flotbrvsa festir occarn?»
27  5  9	Gecc Hlorriþi, greip a stafni, vatt meþ a/stri vpp la/gfáki; einn meþ árom oc meþ a/stscoto bar hann til boiar brimsvín iotvns, oc holtriþa hver i gegnom.
28  5	Oc enn iotvnn vm afrendi þragirni vanr viþ Þór senti; qvaþat mann ramman, þott róa kynni kra/ptvrligan, nema kálc bryti.
29  5	Enn Hlorriþi, er at ha/ndom com, brátt lét bresta brattstein i tva/; slo hann sitiandi svlor igognom, baro þo heilan fyr Hymi siþan.
30  5	Vnz þat in fríþa frilla kendi ástráþ mikit, eitt er vissi: «Drep viþ há/s Hymiss! hann er harðari costmoþs iotvns kalci hveriom.»
31  5	Harþr reís a kné hafra drottinn, forþiz allra i asmegin; heill var karli hialmstofn ofan, enn vínferill valr rifnaþæ.
32  5	«Morg veit ec meti mer gengin fra, er ec kalci se yr kniam hrvndit;» karl ord vm qvað: «knacat ec segia aptr evagi, þv ert, a/lþr! of heitt.
33  5	Þat er til costar, ef coma mettiþ vt or óro olkiól hofi.» Tyr leitaþi tysvar hrora, stoþ at hváro hverr kyrr fyr.
34  5	Fadir Móþa fecc a þremi oc igegnom steig golf niþr i sal; hóf ser a ha/fvþ vp hver Sifiar verr, enn a helom hringar scvllo.
35  5	Foro lengi, aðr líta nam aptr Oþins sonr eino sinni; sa hann or hreysom meþ Hymi a/stan folcdrott fara fiolha/fdaþa.
36  5	Hóf hann ser af herðom hver standanda, veifði hann Miollni morðgiornom fram, oc hrá/nhvali hann alla drap.
37  5	Foroð lengi, aþr liggia nam hafr Hlorriða halfda/þr fyr; var scirr sca/kvls scaccr a banni, enn þvi inn levisi Loci vm olli.
38  5	Enn er heyrt hafið, — hverr kann vm þat godmalvgra gorr at scilia? — hver af hrá/nbva hann lá/n vm fecc, er hann beþi galt born sin fyr.
39  5	Þrotta/flvgr kom a þing goda oc hafdi hver, þannz Hymir atti; enn vear hverian vel scolo drecca a/lþr at Egis eitt ha/rmeitiþ.