Brudstykker i Snorra-Edda
1
Har segir, at hann (Gylfi) komi eigi heill vt, nema hann se frožari, oc
	«stattv fram, mešan žv fregn, sitia skal sa, er segir.»
2
Nioršr a ža konv, er Skaži heitir, dottir Žiaza iotvns. Skaži vill hafa bvstaš žann, er att hafži fažir hennar; žat er a fiollvm nokqvorvm, žar sem heitir Žrymheimr, enn Nioršr vill vera nęr sę; ža/ sęttvz a žat, at žav skyldv vera niv nętr i Žrymheime, en ža ašrar niv at Noatvnvm. En er Nioršr kom apptr til Noatvna af fiallinv, ža qvad hann žetta:
	«Leiš ervmc fioll, varca ec lengi į, nętr einar niv; vlfa žytr mer žotti illr vera hia songvi svana.»
Ža qvad Skaži žetta:
	«Sofa ec mįcat sęfar beživm a fvgls iarmi firir; sa mic vekr, er af viži kemr, morgvn hverian mar.»
3
Oc enn segir hann (Heimdallr) sialfr i Heimdallar galldri:
	«Niv em ec męžra mavgr, niv em ec systra sonr.»
4
XIIII. (Hin fjugrtįnda įsynja er) Gna, hana sendir Frigg i ymsa heima at eyrindvm sinvm. Hon a žann hest, er renn lopt oc lavg, oc heitir Hófvarpnir. Žat var eitt sinn, er hon reiš, at vanir nokqvorir sa reiš hennar i loptinv, ža męlti einn:
	«Hvat žar flygr, hvat žar ferr eža at lopti lišr?» Hon svaraži: «Ne ec flyg, žo ec fer oc at lopti liš: a Hofvarpni žeim er Hamskerpir gat viš Garšrofv.»
5
Žvi nęst sendv ęsir vm allan heķm orindreka at bišia, at Balldr vęri gratinn or heliv, en allir gieržv žat: menninir oc kykvendin oc ioržin oc steinarnir oc tre oc allr malmr . . . . . Ža er sendimenn forv heķm oc hofžv vel rekit sin eyrindi, finna žeir i helli nokqvorvm, hvar gygr sat, hon nefndiz Žavck; žeir bidia hana grata Baldr or heliv. Hon svarar:
	«Žavck mvn grata žvrrvm tįrvm Baldrs bįlfarar; kyks ne da/šs nį/tka ec kalls sonar, haldi Hel žvi er hefir!»
En žess geta menn, at žar hafi verit Loki La/feyiar son, er flest hefir illt gert meš asvm.
6
Ža for Žorr til įr žeirrar, er Vimvr heitir, allra į mest. Ža spenti hann sic megingioržvm oc stvddi forstreymis Grižarvol, en Loki helt vndir megingiaržar; oc ža er Žorr kom a mišia įna, ža ox sva mioc įin, at vppi bra/t į oxl honvm. Ža qvaž Žorr žetta:
	«Vaxattv nv, Vimvr! allz mic žic važa tižir iotna garža i; veiztv, ef žv vex, at ža vex mer asmegin iafnhatt vpp sem himinn.»
7
En er Žorr kom til Geirrožar, ža var žeim fela/gvm visat fyrst i gestahvs til herbergis. oc var žar einn stoll til sętiss, oc sat žar Žorr. Ža varž hann žess varr, at stollinn for vndir honvm vpp at ręfri; hann stack Grižarvęli vpp i raptana oc let sigaz fast a stolinn; varš ža brestr mikill, oc fylgši skrękr; žar hofžv verit vndir stolinvm dętr Geirrožar Gialp oc Greip, oc hafži hann brotit hrygginn i bažvm. Ža qvaž Žorr:
	«Einv sinni neyttac įsmegins iotna gavržvm i: ža er Gialp oc Greip, dętr Geirrožar, villdv hefia mic til himins.»
8
I Asgardi firir dvrvm Valhallar stendr lvndr, sa er Glasir er kallašr, en lavf hans alt er gvll ravtt. Sva sem her er qvežit, at:
	Glasir stendr meš gvllnv lavfi firir Sigtys savlvm.
Sa er višr fegrstr meš gožvm oc monnvm.
9
Žessi erv hestaheiti i Žorgrimsžvlo:
	Hrafn oc Sleipnir hestar agętir, Valr oc Lettfeti, var žar Tialdari, Gvlltoppr oc Goti, getit heyržac Sota, Mór oc Lvngr meš Mari.
	Vigg oc Stvfr var meš Skęfaši, žegn knatti Blackr bera, Silfrintoppr oc Sinir, sva heyržac Faks of getit, Gvllfaxi oc Ior meš gožvm.
	Blošvghofi het hestr, er bera qvažv avflgan Atriža; Gils oc Falhofnir, Glęr oc Skeišbrimir, žar var oc Gyllis of getit.
10
Žessi oxnaheiti erv i Žorgrimsžvlv:
	Gamalla vxna nofn hefic gerla fregit, žeirra Ravšs oc Hęfiss; Rekinn oc Kyrr, Himinhriotr oc Apli, Arfr oc Arfvni.
11
Žessir (hestar) ro en talžir i Kalfsvisv:
	Dagr reiš Dravsli, en Dvalinn Mošni, Hialmžer Hįfeta, en Haki Faki; reiš bani Belia Blošvghofa, en Skęvaži skati Haddingia.
	Vesteinn Vali, en Vivill Stvfi, Meinžiofr Moi, en Morginn Vakri, Ali Hrafni, er til iss rižv, enn annarr avstr vnd Ašilsi grar hvarfaži geiri vndažr.
	Biorn reiš Blacki, en Biarr Kerti, Atli Glavmi, en Ašils Slvngni, Havgni Havlqvi, en Haraldr Favlqvi, Gvnnarr Gota, en Grana Sigvržr.
12
	Sęgr hęitir sar, ęnn Simvl stong, Bil ok Hivki bera hann.
Žat ęr kallat, at ža/ sę i tvngli.
13
Fiotvrrinn hęitir Glęipnir, ęr honom (Fenrisślfi) hęlldr. Gervir voro tvęir fiotrar til hans fyrst žęir Dromi ok Lęšingr, ok hęllt hvargi; ža var Glęipnir sižan gerr or sex lvtvm:
	Or kattar dyn ok ór konv skęggi, or fisks anda ok or fvgla miólk, ór bergs rótvm ok or biarnar sinvm, or žvi var hann Glęipnir gerr.
14
	Flugu hrafnar tveir af Hnikars oxlvm, Huginn til hanga enn a hrę Mvninn.